Конституция – құқықтық бағдар

Бүгін М.Дулатов атындағы Қостанай инженерлік-экономикалық университетінде мемлекеттің құрылымын айқындап қана қоймай, әрбір азаматтың құқықтары мен бостандықтарын белгілейтін басты құжат - Қазақстан Республикасының Конституциясына арналған дәріс өтті.

Студенттер алдында А. Байтұрсынұлы атындағы ҚӨУ экономика және құқық факультетінің теория және құқық кафедрасының аға оқытушысы Ерлан Атымтаевич Байжанов дәріс оқыды.

Дәріс барысында азаматтардың құқықтары мен бостандықтарын қорғау, мемлекеттік басқаруды цифрландыру және елдің саяси жүйесіндегі өзгерістер мәселелері талқыланды. Сонымен қатар спикер «Заң мен тәртіп» қағидатына және оның қоғам өміріндегі маңызына тоқталды.

Оның айтуынша, заңды құрметтеу әр азаматтың өз құқықтары мен міндеттерін түсінуінен басталады. Құқықтық сауаттылық дегеніміз - заңдарды білу ғана емес, сонымен бірге заңнамадағы өзгерістерден хабардар болып, олардың қоғам өміріне әсерін түсіну. Бүгінгі кездесуден кейін студенттер конституциялық құқық бойынша білімдерін толықтырып, елдегі құқықтық өзгерістердің мәнін тереңірек түсінді.