Кәсіпкерлік негіздерін меңгеруде

ҚИнЭУ-де студенттерге арналған ҚР «Атамекен» Ұлттық кәсіпкерлер палатасы Төралқасы жанындағы әлеуметтік кәсіпкерлікті дамыту жөніндегі кіші комитеттің төрағасы Александр Анатольевич Соболевтің практикалық шеберлік сабақтары жалғасуда.

Өткен аптада студенттер сарапшымен бірге бизнес-идея әзірлеп, бизнес-жоспар құруды үйренсе, бүгінгі сабақта кез келген жобаның маңызды бөлігі - қаржылық модель қарастырды.

Александр Анатольевичтің айтуынша, кез келген сәтті бизнес-идеяның негізінде нақты есеп пен сауатты қаржылық жоспарлау жатыр. Қаржылық модель жобаны іске асыруға қажетті қаражат көлемін, болжамды кірістер мен шығыстарды, оның өзін-өзі ақтау мерзімін, сондай-ақ инвестицияны қайтару немесе мемлекеттік грант қаражатын тиімді пайдалану жолдарын анықтауға көмектеседі.

Практикалық бөлімде студенттер өздерінің бизнес-жобалары бойынша кірістер мен шығыстарды есептеп, қаржылық мүмкіндіктерін бағалауға кірісті.

Шеберлік сабақтарын ҚИнЭУ-дің мансап және бизнес-көшбасшылық орталығы ұйымдастыруда.